Eiru ngei nia rin thlan hi

Tawrh Bawm Editorial, Thawhtanni, October 5, 2009

Tun hnaiah pawl hrang hrang 6 tang rualte chuan bawm siamin, eiru nia mipuiin an rinte an sawichhuahna hun siamin hmun hrang hrangah bawm an dawh a ni a. He awm an ddawh hi sawisel an awwm nual a, fak an awm nual bawk. Ngun taka ngaihtuah chunga he thil hi kan hmachhawn tlan a tha khawp mai.

Hetianga thil tih hi tute emawin lansarh an tumna leh politics kawng an zawhna hmanrua a ni thei tih hi mipui lamte hian kan hriat a tha hle awm e. Tu ten emaw ann future tur ngaihtuah a, hmma an lakna kawngah hhia mipui la hian phur fahrann hian kan lo tawiawm ve ang tih hi a hlauhawm a, a buatsau te hi eng party-ah nge an inhnamhnawih, tih te pawh hi zirchian ve thin a tha viau in a rinawm.

Hetiang kan ngaihtuah rual hian, rilru leh tihtakzet a, Mizoram tana thawktu an ni em? Patlinga pum-pa, chhungkaw chawmtu ni bawk si thiltih te hi kan ramin a thatpui ang em? Hetiang ang buaipui tur chuan hman a ngai a. Chhungkaw chawmtu tan chuan hman a har hlein a rinawm. Mizoram hi a that kan duha hmalatu kan ni dawn tak tak a nih chuan, mahni lam zawk hi entawn tlakaa kan awm a pawimawh a, sorkar hnathawk kan ni kher lo a nih pawhin kuthnathawh kawngah hian hmahruaitu nih zawk tum a, nitina eiru veh reng mai hman han nih mai te pawh hi inenchian a ngai viau niin a lang.

Miten kan chhungril lam an rawn hre ve lem lo a nih pawhin chintawk neih a tha. Miten min hrriatchian hunaa kaan mualpho zakhuana mai mai tura inhnamhnawih vakte pawh hi a tul ber lo a. Fing nia kan inhriatna te hi hnathawh lamah hian hmang tangkai thiam zawk ila ram ropui tak kan thlen phahin a rinawm.

Eiru ngei nia mipuiin an rinte hming lah chu an la puangzar ngam ta chuang lo a. Hei pawh hian ngaihtuahna chu a ti thui thei viau a ni. Anmahni thlan pawh ni lo, mipuiin an thlanchhuah a ni a. Mipuiin an thlanchhuah avang khan khang thlanchhuahte khan an eiru tihna pawh a la ni chuang rih lo. Chuvangin midang lang tlang tura kan duh a nih rau rau chuan mahni lam langtlang ngam te tal hi han tum tlang thei se, sorkar atanga sum leh pai dawng ngai lo nia inchhal te tan chuan a huaisenthlak vaiuin a rinawm.

Eiru zawngchhuak tur hian sum tam tak sen a ngai tih chu tlang hriat a ni a. mahse, mahni pawl sum hmuhna sawichhuak ngam miah si lovinn mi sum hmuhna haichhuah kan tum dan erawh hi chu a dikhlel deuh niin a lang. Mi sum hmuhna hre tur chuan mahni sum hmuhna leh a zat te hi tarlang hmasa ngam ta ila chuan mipui lam thlawp pawh a hlawh theih viauin a rinawm zawk a ni.