Mr. Big Aizawl ah

Khawvela Rock Group Band lar, Mr.Big chuan tun thla ni 21 hian Aizawl Lammual-ah Concert an nei dawn. Mr.Big concert huaihawttu, Post Event hruaitute chuan vawiin khan Aizawl Press Club-ah he concert tur chungchangah hian thuthar lakhawmtute an kawm a, kum 1988-a din, Mr.Big original member, Billy Sheehan, Paul Gilbert, Eric Martin leh Pat Torpey-te chu Aizawlah hian an inlan thei dawn a, an hla lar tak takte sa-in mipui an awi dawn tih an sawi. He concert-ah hian en man hi cheng 500 a ni dawn a, a bak chu ticket man awm lovin a kal hmasa sa an vannei dawn niin an sawi bawk.